تبحث على برانش يرضيك في جدة؟
سواء نفسك في مَخبوزات طازجة، أماكن أنيقة، أو زوايا هادية تروق فيها، الأماكن هذه تقدم كل شي: طعم، جو، ولمسَة مميزة. من مخابز مبتكرة لأماكن خضراء، هنا ١٠ أماكن تثبت إن البرانش في جدة دايمًا خيار موفق.
بيكري م
أكثر شئ يميز بيكري م، ريحة المخبوزات الطازجة التي تستقبلك أول ما تدخل. من الكرواسون الهش وكيك الموز اللذيذ، إلى الساندويتشات المالحة والتارت، المكان هذا يقدّم كل شي يليق مع قهوتك الصباحية. الديكور بسيط ودافي، بأركان مريحة تخلي بيكري م، من أماكن البرانش المُفضلة في جدة.
كلوب ساندوتش اند بول
من الأماكن الجديدة على طريقة البرانش في جدة، هو مكان أنيق وهادي، مليان خَضار ولمسة بسيطة. الجو رايق، والمكان يفتح النفس سواء كنت جاي تروق لحالك أو تقابل أصحابك. لا تفوّت بانكيك الفراولة، طري ولذيذ ويظبط المزاج. و أكيد، ساندويتش الدجاج الكلاسيكي لازم تجربه!
إت كافيه
إت كافيه، معروف بمساحته الواسعة وجوّه الراقي، خصوصًا لما يكون فيه عزف بيانو لايف يضيف لمسة فخمة لوقت البرانش. من الأشياء اللي تميّزه كمان محطة المناقيش الطازجة على الحطب. لا تنسى تمرعلى ركن المخبوزات، الـ”كرولز” شكلها يشهّي وطعمها رهيب – يحيّرك إيش تختار!
نوى باتيو
مكان واسع، أخضَر، وفيه لمسَات طبيعية تجعلك تشعر و كأنك تجلس في حديقة. سواء جلست بالخارج أو بالداخل، الجو دائمًا هادئ ومريح. أحيانًا يكون فيه فرق موسيقية تعزف لايف تُضيف جو حلو، وعندهم عرض غداء مميز: ٩٩ ريال من الساعة ١٢ إلى ٥ العصر على الطلبات.
بينش
من الأمَاكن الجَديدة وصار لها صيت بسبب أفكارها المُميزة في الحلويات. الكافيه ديكوره ناعم ووردي، فيه لمسات خشب، وحتى أدوات التّقديم فيها ألوان حلوة تضيف جو. الحلويات شكلها تُحفة، زي كيكة التوت والريحان ، و كيكة الميسو والكراميل ، و كيكة الفانيلا بالكرز وغيرهم كثير.وفيه ركن خاص للورد تقدر تعمل فيها تنسيق بوكيه وأنت تنتظر طلبك.
سارة كافيه
الكافيه هذا يتميز بجوّه الدافئ كأنه أكل بيت مصنوع بحب. عندهم خيارات نباتية كثيرة وحلويات لذيذة زي كيكة التوت الأزرق بالليمون وكيكة البندق بالكراميل. ساره كافيه مكان مُناسب للبرانش في جدة، خصوصًا لو بتبحث على شي بسيط ولذيذ. وكمان ينظموا فعاليات موسمية ويقدموا حلويات خاصة بالمناسبات.
مطعم و كافيه سبلنجز
مكان أنيق وبسيط وتصويره يطلع احترافي، ومثالي لو كنت تبحث عن برانش شكله وطعمه يرضيك. الديكور نظيف والإضاءة طبيعية تعطي راحة، والأكل طعمه مُميز. لا تفوّت دجاج البارميزان أو المسخن – طازج، سبلنجز خيار ممتاز لو بتخطط لبرانش مع أصحابك أو عائلتك في جدة.
سورل
يعطيك إحساس أوروبي، بس بنكهات من أماكن مختلفة. أطباقهم فيها لمسات من الهند والشرق الأوسط وغيرها، كلها تتجمع بطريقة رائعة لبرانش مميز. تلاقي أشياء مبتكرة زي تاكو الفلافل، وتوست فرنسي يقدموه كأنه حلى. لو تحب تمزج بين الحادق والحالي، هذا المكان بيكون مناسب لك تمامًا.
ذا سوشل بيكري
هو المكان اللي تروحه لما تحب تجرب القليل من كل شي – فطور عربي، بيض تركي، وأطباق فيها نكهات الترفل. فيه جلسات داخلية وخارجية، فالمكان يناسب سواء كنت طالع مع أصحابك أو تبغى وقت هادي لنفسك. يعتبر من أفضل أماكن البرانش في جدة لأنه يشبع ويرضي كل الأذواق.
إيرث كافيه
من أقدم الأماكن المحبوبة في جدة ، ودايما يثبت نفسه. فيه دورين، جلسات داخلية وخارجية، وشجرة كبيرة في المنتصف تعطي للمكان لمسة مميزة مع جدران الطوب. سلطة الكيل ومشروبات الماتشا تعتبر من أساسيات البرانش عندهم، والجو الهادئ يخليه مثالي لروقان الويكند.
حابّ تجرب أكثر؟
خيارات الأكل في جدة ما تخلص، وبجانب أماكن البرانش الرهيبة هذي، تقدر كمان تشوف مطاعم هندية وسوشي لازم تجربها
