تدورعلى أحلى مشروبات منعشة في جدة؟
لما العطش يشتدّ، ما في ألذ من المشروبات المنعشة الباردة في يدك تروّقك. سواء تحب النكهات الفواكه، الليمونادة الغازية، الآيس تي، أو خلطات قوية، جدة مليانة خيارات منعشة تبرّد عليك. هنا جمّعنا لك أفضل الأماكن في جدة تقدم مشروبات تستحق التجربة، سواء بتاخذها سفري أو جالس مع أصدقاءك.
1. كافيه 8 أوز -المشروب المنعش- موهيتو باشن فروت
معروفين بالقهوة، لكن لديهم مشروبات منعشة رهيبة !
مبدعين في موهيتو الباشن فروت، مشروب منعش، فوّار، وفواكه بطعم قوي، ومع لمسة نعناع تبرد الجو. وسعره؟ 18 ريال! أرخص مشروب في اللستة، وطعمه مميّز.
2. بارنز كوفي – فِزي ليمون
بارنز اسم كلاسيكي وله قيمته! منتشر في كل جدة وفيه لمسة محلية محبوبة، وعندهم مشروبات منعشة، مشروبهم فِزّي ليمون بسيط ومنعش، ليمونادة مع فوار ينعش القلب. بطعم حامض منعش، مثلج، وسعره 13 ريال! أرخص خيار في اللستة ومثالي لو كنت على الطريق وتبغى شي سريع يروّقك.
3. قود هود – آيس تي الخوخ
تلاقوه في حي الروضة، قود هود كافيه لطيف وعندهم ألعاب طاولة وجو يفتح النفس. و مشروبات منعشة منوعة، مثلا: آيس تي الخوخ عندهم بـ 25 ريال، مشروب صيفي خفيف ومنعش، بطعم الخوخ الناعم ولمسة ليمون خفيفة. مناسب لكل الأوقات.
4. جون آند فينيز – آيس ماتشا
جون آند فينيز، المطعم الإيطالي الشهير من لوس أنجلوس، صار له فرع في جدة ومعروف بالبيتزا، و مشروبات منعشة رهيبة، لا تفوّت الآيس ماتشا لاتيه مشروب منعش و مميز! كريمي، ناعم، وحلاه موزون. مُنعش ويعطي طاقة حلوة. من المشروبات الصيفية التي تتناسب مع عشاق الماتشا ، سعره 25 ريال
5. لوكيشن كوفي – آيس كركديه
كركديه، بس بطريقة جديدة!
آيس كركديه من لوكيشن كوفي بـ 27 ريال، بطعم حامض ومنعش وفيه لمسة زهرية، ولونه أحمر يخطف العين. من المشروبات الصيفية اللي تشربها على رواق.
والمكان؟ ديكوراته الموسمية المتغيرة تخلي الزيارة كل مرة لها جو مختلف.
6.المذاق المغربي – الشاي المغربي المثلج
كنز مخفي لعشّاق شاي النعناع!
المذاق المغربي يقدم لك الشاي المغربي بطريقته الباردة – منعش، عشبي، ومُحلى، يخليك تشعر بنسمة هواء من كازابلانكا. والأحلى؟ بس بـ 15 ريال، سعره في متناول الجميع.
7. سكلبتشر – فيري بيري
مشروب قوي، مليان نكهة، وحلاه موزون ويصحصحك على طول من أي خمول صيفي. وبكل بساطة، من أكثر المشروبات الصيفية المنعشة. وسعره؟ 24 ريال.
8. سيجنتشر – آساي شيك
آساي شيك من سيجنتشر بـ 21 ريال هو مكس فواكه مثلج يعتبر سناك خفيف.
بارد، مليان نكهة، ومن أكثر المشروبات الصيفية المتميزة في جدة.
سواء بعد تمرين أو وسط اليوم، مشروب بارد و منعش.
9. سبيرانزا كافيه – عصير برتقال طازج
أحيانًا، كل اللي تحتاجه هو الكلاسيكي لما ينعمل صح.
عصير البرتقال الفريش من سبيرانزا ، بدون لُب، بارد، ومثالي ليوم على البحر. مشروب صيفي ثابت وموثوق في جدة، بـ 20 ريال.
10. إيرث كافيه – شاي مثلج مغربي باشن فروت
إيرث كافيه من الأماكن اللي تروح لها للبرنش وتلاقي نفسك جالس إلى العشاء!
لاتنسى تجرب الشاي المثلج المغربي بالباشن فروت، مشروب صيفي طعمه موزون، يدمج نكهة الباشن فروت المنعشة مع لمسة شاي مغربي. وبكل تأكيد يستاهل الـ 27 ريال.
نصيحة ذهبية لآخر رشفة:
لو اخترت مشروب فواكه، اطلبه بسكر أقل، كده تطلع نكهة الفواكه الطبيعية أكثر ويصير المشروب ألذ وأبرد. و لا تفوت الماتشا في جدة، تقدر تلاقي المزيد عنها هنا.
